Այսօր: Ուրբաթ, 26 Օգոստոսի 2016թ.
Ագարակի համայնքապետարանի պաշտոնական կայք
ԱԳԱՐԱԿ ՔԱՂԱՔԱՅԻՆ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱՐԳ
2016,Փետրվար 3 - 2018,Փետրվար 3


ՆՈՐՈՒԹՅՈՒՆՆԵՐ
20.07.16 Ագարակը հպարտանում է իր քաջ զինվորով

Ագարակի համայնքապետարանը  շնորհավորում և իր երախտագիտությունն է հայտնում Հայոց բանակի  քաջարի զինվոր  Հրաչիկ Արմենի Խաչատրյանին` հայրենիքին և հայ ժողովրդին անմնացորդ ծառայելու ,  համայնքի պատիվը բարձր պահելու համար: Երախտագետ ենք նաև նրա ծնողներին` արժանավոր ու հայրենանվեր զավակ դաստիարակելու համար:    

19.07.16 Հանրային լսումներ <<ԱՊՄԿ>> ՓԲԸ-ի թիվ 1 պոչամբարի ընդլայնման նախագծի շուրջ

Հարգելի համաքաղաքացիներ, սույն թվականի հուլիսի 28-ին Կարճևան գյուղում տեղի կունենան հանրային բաց լսումներ` <<ԱՊՄԿ>> ՓԲԸ -ի թիվ 1 պոչամբարի ընդլայնման նախագծի վերաբերյալ: Թիվ 1 պոչամբարի ընդլայնման նախագծին կարող եք ծանոթանալ Ագարակի համայնքապետարանի պաշտոնական կայքէջի <<Հայտարարություններ>> բաժնում: Ակնկալում ենք ձեր ակտիվ մասնակցությունը:

 

 

 

15.07.16 Ագարակի պատանի ըմբշամարտիկները հաղթանակներով վերադարձան Վրաստանի Հանրապետության Բաթումի քաղաքից

Հուլիսի 13-ին Ագարակի պատանի ըմբիշները վերադարձան Վրաստանի Հանրապետության Բաթումի քաղաքից, որտեղ մասնակցում էին մրցումների և ուսումնամարզական հավաքների:Մրցումներին  մասնակցում էին 400 ուժեղագույն մարզիկներ Վրաստանից, Դաղստանից, Ինգուշեթիայից և Ադրբեջանից: Ագարակի պատանի ըմբիշները ցուցադրեցին բարձր կամային և մարզական հատկություններ:Առավել փայլուն արդյունքներ գրանցեցին Վարդանյան եղբայրները` նվաճելով բրոնզե մեդալներ, ավագը` Էդուարդը` 69 կգ քաշային կարգում, կրտսերը`42 կգ քաշային կարգում: Շնորհավորում ենք Վարդանյան եղբայրներին հաղթանակի կապակցությամբ և մաղթում նոր նվաճումներ:     

07.07.16 <<Ջերմուկ 2016>> մրցաշարում ուժեղագույնը մեր համաքաղաքացի Արտյոմ Մանուկյանն էր
 Հուլիսի 4-ին «Ջերմուկ աշխարհ» առողջարանում տեղի ունեցավ «Ջերմուկ-2016» պատանեկան XI միջազգային բաց մրցաշարի փակման հանդիսավոր արարողությունը։ Մասնակիցներին շնորհավորեցին և մրցանակներ հանձնեցին Վայոց ձորի մարզպետ, Վայոց ձորի շախմատի ֆեդերացիայի նախագահ Հ. Սարգսյանը, Ջերմուկի քաղաքապետ Վ. Հովհաննիսյանը, մրցաշարի միակ հովանավոր <<Գեոթիմ>> ընկերության ներկայացուցիչները, մրցաշարի գլխավոր կազմակերպիչ, Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-նախագահ Սմբատ Լպուտյանը:  Մրցանակներ ստացան նաև 3 մարզիչ, ում սաները ցուցադրեցին լավագույն արդյունքներ։  Մրցաշարի հաղթող ճանաչվեց մեր համաքաղաքացի ... Մանրամասն
30.06.16 Հրաժեշտ մանկապարտեզին

Ավարտվեցին Ագարակի մանկապարտեզի ավագ խմբերի սաների տարեվերջյան հանդեսները: Մանկապարտեզի վաթսունհինգ երեխաներ հրաժեշտ տվեցին հարազատ դարձած օջախին ու սիրելի դաստիարակներին: Առջևում երեխաներին սպասում է դպրոցն իր հոգսաշատ ու հետաքրքիր առօրյայով: Ագարակի համայնքապետի և համայնքապետարանի աշխատակազմի կողմից երեխաներին ուղղվեցին շնորհավորանքի ու բարեմաղթանքի ջերմ խոսքեր և բաժանվեցին դպրոցական պայուսակներ:Բարի երթ ձեզ, սիրելի´փոքրիկներ, թո´ ղ  ձեր ապագան լինի պայծառ ու  լուսավոր:   

28.06.16 Հունիսյան համերգների շարք Ագարակի արվեստի դպրոցում
Ագարակի արվեստի դպրոցում հունիս ամիսն առատ էր մշակութային գեղեցիկ միջոցառումներով: Բացի այն, որ հունիսի 1-ին` երեխաների պաշտպանության միջազգային օրը, արվեստի դպրոցի կոլեկտիվն ու սաները հրաշալի երաժշտական թատերախաղ բեմադրեցին, հունիսի 16-ից սկսած նրանք հանդես եկան մի շարք բազմաբնույթ համերգներով:Դասատու Նարինե Հովակիմյանի աշակերտներ Դավիթ Ասատրյանի և Կարեն Սարջանյանի շվիի կատարումները պարզապես հիացրին հանդիսատեսին: Երկու օր անց  ժողովրդական երգի դասատու Նվեր Ջանյանի աշակերտներն աչքի ընկան հայկական ժողովրդական երգերի հրաշալի կատարումներով: Իսկ հունիսի 22-ին տեղի ունեցավ Ագարակի արվեստի դպրոցի տարեվերջյան հաշվետու համերգը: Անձնվեր և բեղմնավոր աշխատանքի ... Մանրամասն
14.06.16 Ագարակի շախմատի թիմը հրաշալի հանդես եկավ Քաջարան քաղաքում
Հունիսի 12-ին Քաջարան քաղաքում տեղի ունեցավ Սյունիքի մարզի արագ շախմատի 12-րդ առաջնությունը, որին մասնակցեցին մարզի 50 շախմատիստներ:Ագարակը ներկայացնում էին ութ շախմատիստներ:Ագարակի թիմի առաջատար Արտյոմ Մանուկյանը մրցաշարի լավագույն շախմատիստների հետ բաժանեց 2-4 րդ հորիզոնականը, լավ արդյունքներ ցույց տվեց նաև Արթուր Գասապարյանը`տանելով 6 հաղթանակ և մեկ խաղ ավարտելով ոչ-ոքի: Արդյունքում նա զբաղեցրեց 5-րդ հորզոնականը:Վաթսուն տարեկանից բարձր շախմատիստների մրցապայքարում`  <<Սինյոր>> անվանակարգում, հաղթողը մեր համաքաղաքացի Լյովա Խաչատրյանն էր, իսկ տասնամյա Արթուր Մանուկյանը հրաշալի խաղ ցուցադրեց` տանելով 5 անընդմեջ հաղթանակ:Ագարակի մյուս 4 շախմատիստները նույնպես ... Մանրամասն
08.06.16 Ագարակի պատանի շախմատիստների հաջողությունները

Հունիսի 1-ին Ագարակում անցկացվեց պատանի շախմատիստների մրցաշար, որին մասնակցում էին ագարակցի 11 պատանի շախմատիստներ:Մրցաշարում առաջին տեղ գրավեց Արտուր Մանուկյանը, երկրորդ և երրորդ հորիզոնականները համապատասխանաբար զբաղեցրին Սլավիկ Սարգսյանն ու Արտուր Առաքելյանը: Ագարակի քաղաքապետարանի կողմից նրանց հանձնվեցին մրցանակներ և պատվոգրեր:

07.06.16 Մեղրու շրջանի 15 բնակավայրերը կմիավորվեն մեկ համայնքում
ՀՀ կառավորության 2016թ. հունիսի 2-ի որոշմամբ փոփոխություններ են կատարվել «Հայաստանի Հանրապետության վարչատարածքային բաժանման մասին» ՀՀ օրենքում:Ըստ առաջարկվող փոփոխությունների՝ Մեղրու տարածաշրջանի բոլոր բնակավայրերը (Մեղրի քաղաք, Ագարակ քաղաք, Ալվանք, Այգեձոր, Գուդեմնիս, Թխկուտ, Լեհվազ, Լիճք, Կարճեւան, Կուրիս, Նռնաձոր, Շվանիձոր, Վահրավար, Վարդանիձոր, Տաշտուն գյուղեր) կմիավորվեն մեկ՝ Մեղրի համայնքում:Նորաստեղծ համայնքում տեղական ինքնակառավարման մարմինների ընտրություններ տեղի կունենան 2016թ. սեպտեմբերի 18-ին:Ընտրությունների արդյունքների պաշտոնական հրապարակման հաջորդ օրն Ագարակ, Ալվանք, Գուդեմնիս, Լեհվազ, Լիճք, Կարճեւան, Կուրիս, Մեղրի, Նռնաձոր, Շվանիձոր, Վահրավար, Վարդանիձոր, Տաշտուն ... Մանրամասն
02.06.16 Հունիսմեկյան միջոցառումներ Ագարակում

Երեխաների իրավունքների պաշտպանության օրվան նվիրված միջոցառումների շարքն Ագարակում մեկնարկեց Ագարակի արվեստի դպրոցի սաների հրաշալի ներկայացմամբ: Մանուկներին մեծ բավականություն պատճառեց Ռոբերտ Պետրոսյանի <<Մկնիկ հարսնացուն>> երաժշտական թատերախաղը: Այս անգամ ևս արվեստի դպրոցի մանկավարժական կոլեկտիվը փայլեց իր պրոֆեսիոնալ բարձր վարպետությամբ պատրաստված ներկայացմամբ: Ապա Ագարակ քաղաքի հրապարակում հանդիսատեսին հիացրեց Ագարակի արվեստի դպրոցի <<Արփի>> պարային համույթն` իր ազգագրական պարերի շարքով: Համընթաց կազմակերպվել էր նաև պատանի շախմատիստների մրցույթ:Միջոցառման ավարտին Ագարակի քաղաքապետարանի կողմից բոլոր մանուկներին բաժանվեցին պաղպաղակներ:

01.06.16 Շնորհավոր ձեր տոնը, սիրելի՛ երեխաներ

Սիրելի՛ երեխաներ, շնորհավորում ենք ձեզ Երեխաների պաշտպանության միջազգային օրվա կապակցությամբ, մաղթում ենք խաղաղ երկինք,  անհոգ ու երջանիկ մանկություն, բազում ժպիտներ: Թո՛ղ ձեր հնչուն ծիծաղով լցված լինեն բոլորիս սրտերը:

30.05.16 Ագարակի պատանի ըմբշամարտիկների հաղթարշավը շարունակվում է

Մայիսի 27-ին և 28-ին դարձյալ Գառնիում Ագարակի պատանի ըմբշամարտիկների թիմը մասնակցեց Ռ. Կարապետյանի անվան ՕՄՄ-ի մարզիչ, ՀՀ բազմակի չեմպիոն Հ. Աբելյանի հիշատակին նվիրված ազատ ոճի ըմբշամարտի դեռահասների միջազգային մրցաշարին:Այս անգամ ևս մեր պատանիները փայլուն հաջողություններ ունեցան` նվաճելով մրցանակային բազմաթիվ տեղեր:26 կգ քաշային կարգում առաջին տեղը գրավեց պատանի ըմբիշ Տիգրան Բունիաթյանը, իսկ 3-րդ հորիզոնականը Սուրեն Խաչատրյանինն էր: 38 կգ քաշային կարգում երկրորդ հորիզոնականը զբաղեցրեց Հարություն Մովսիսյանը: Շնորհավորում ենք մեր ըմբիշներին հերթական փայլուն հաղթանակի առթիվ և մաղթում նոր նվաճումներ:

27.05.16 Մ.Զաքարյանի շնորհավորական ուղերձը Ագարակի միջնակարգ դպրոցի շրջանավարտներին
Սիրելի՛ շրջանավարտներ, այսօր ձեզ համար դպրոցական զանգը կղողանջի վերջին անգամ: Այն բոլորիդ մոտ տարբեր հույզեր կարթնացնի. ոմանք կտխրեն, որ թողնում են հարազատ դպրոցը, ոմանք կուրախանան, որ նոր կյանք են մտնում, ամեն դեպքում,  առջևում ձեզ դեռ շատ  անակնկալներ են սպասվում, կյանքը միշտ չէ որ հեշտությամբ է տալիս այն, ինչին դու ձգտում ես , կամ այն, ինչին արժանի ես: Ես ցանկանում եմ , որ դուք այնքան հավատ ու կորով ունենաք, որ հաղթահարեք ձեր առջև ծառացած բոլոր խնդիրները, պատվով դուրս գաք ցանկացած փորձությունից, բարձր պահեք ձեր դպրոցի և քաղաքի պատիվը, կյանքի ինչ պարագայում էլ լինեք, եղեք նպատակասլաց,  հիշե՛ք , որ դուք  ագարակցի եք` սյունեցի, հիշե՛ք,  որ մենք երբևէ չենք հանձնվել ... Մանրամասն
18.05.16 Ագարակի պատանի ըմբշամարտիկները հայ զինվորի թիկունքն են
Ագարակ քաղաքի պատանի ըմբշամարտիկները, «Արևիկ» ազգային պարկի» և «Բուղաքար» արգելավայրի աշխատակիցները Ագարակում տեղակայված զորամասի հրամանատարության թույլտվությամբ հնարավորություն են ունեցել զինվորական մեքենայով բարձրանալու դիրքեր` տեսնելու և զգալու այն ամենը, ինչով երկու տարի շարունակ ապրում է զինվորը: Պատանի ըմբիշները դիրքեր էին բարձրացել ոչ դատարկաձեռն. նրանք իրենց հետ տարել էին մարտական հենակետերի ինժեներական բարելավման համար անհրաժեշտ պարագաներ: Բանակ-հասարակություն կապը ստեղծվում է նմանաբնույթ այցերի արդյունքում: Հայ զինվորը գիտակցում է , որ իր թիկունքում կանգնած է մի հասարակություն, ով պատրաստ է ցանկացած պահի աջակցել իրեն: Մեր պատանի ըմբիշներն էլ հասկացան, ... Մանրամասն
17.05.16 Արտյոմ Մանուկյանը երկրորդն էր

Ավարտվեց ՀՀ Սյունիքի մարզի տղամարդկանց շախմատի 18-րդ առաջնությունը: Ագարակի ներկայացուցիչ Արտյոմ Մանուկյանը մրցաշարում նվաճեց երկրորդ պատվավոր հորիզոնականը և նվաճեց մայիսի 25-ին Ջերմուկ քաղաքում կայանալիք միջազգային մրցաշարին մասնակցելու իրավունք: Արտյոմ Մանուկյանին մաղթում ենք նոր հաղթանակներ:

13.05.16 Փոքրիկ ագարակցիների մարզական հաջողությունները

Մայիսի 12-ին Մեղրի քաղաքի միջնակարգ դպրոցում, Ագարակ, Մեղրի և Լեհվազ համայնքների մանկապարտեզների սաների մասնակցությամբ, տեղի ունեցավ մրցույթ`Հայաստանի Հանրապետության նախագահի <<Լավագույն մարզական նախադպրոցական հիմնարկ>> մրցանակի համար:Մրցույթն անցավ լարված ու հետաքրքիր պայքարում: Երեք թիմերի փոքրիկներն էլ ապացուցեցին, որ սիրում են սպորտը և պատրաստ են պայքարելու հաղթանակի համար:Թիմերին խրախուսելու նպատակով ՀՀ սպորտի և երիտասարդության հարցերի նախարարությունը սահմանել էր դրամական մրցանակներ:Ագարակի մանկապարտեզը գրավեց երկրորդ տեղը` արժանանալով ութսուն հազար դրամ պարգևատրման: Գումարը կօգտագործվի մանկապարտեզի համար մարզագույք ձեռք բերելու նպատակով:

12.05.16 Ագարակի ըմբշամարտի թիմը վերադարձավ ՌԴ Վլադիկավկազ քաղաքից

Մայիս ամսվա առաջին տասնօրյակում Ագարակ համայնքի պատանի ըմբշամարտիկների թիմը` մարզիչ Յու. Ավետիսյանի գլխավորությամբ, մասնակցեց ՌԴ Վլադիկավկազ քաղաքում կազմակերպված ըմբշամարտի ուսումնամարզական հավաքներին:Մարզումների ընթացքում պատանի մարզիկները բազմաթիվ ընկերական հանդիպումներ անցկացրին ռուսաստանցի պատանի ըմբիշների հետ` ցուցաբերելով գերազանց մարզական պատրաստվածություն և կամային բարձր հատկություններ:

11.05.16 Տիկին Մարիետայի հրաշալի նվերը Ագարակ համայնքին

Մեր համաքաղաքացի Մարիետա Հակոբյանը Հայոց ցեղասպանության 101-րդ տարելիցի կապակցությամբ իր ձեռագործ աշխատանքը նվիրեց Ագարակ համայնքին:Ձեռագործ նկարը տիկին Մարիետայի եռամյա աշխատանքի արդյունքն է: Այն ամբողջովին տիկին Մարիետայի մտահղացումն է և կատարված է Հայոց Մեծ եղեռնի թեմաներով:Նկարը կպահպանվի և կներկայացվի Ագարակի արվեստի դպրոցում: Շնորհակալություն ենք հայտնում տիկին Մարիետային գեղեցիկ նվերի կապակցությամբ և մաղթում բեղմնավոր աշխատանք:

10.05.16 Մայիս` հաղթանակների ամիս

Հարգելի համաքաղաքացիներ, շնորհավորում ենք բոլորիդ Հայրենական մեծ պատերազմում տարած հաղթանակի տարեդարձի, Շուշիի ազատագրման տարելիցի և Արցախի պաշտպանական բանակի ստեղծման օրվա կապակցությամբ: Մաղթում ենք ամուր առողջություն, խաղաղ երկինք , անսասան կամք և ամուր հավատ Հայաստանի և հայ ժողովրդի լուսապայծառ ապագայի նկատմամբ:

10.05.16 Ոչ ոք չի մոռացվել

Ցավոք սրտի, Հայրենական մեծ պատերազմի վետերանների շարքերն օր օրի նոսրանում են: Հիմա Ագարակում նրանք երեքն են` Ադամյան Անուշավանը, Մովսիսյան Միլիտոսն ու Պողոսյան Գրիգորը: Երախտապարտ սերունդների հիշողության մեջ դեռ երկար կմնան նրանց սխրանքների պատմությունները: Ագարակի քաղաքապետարանը,ինչպես և ամեն տարի, հնարավորինս աջակցում և իր երախտագիտություն է հայտնում մեր վետերաններին`մաղթելով ամուր առողջություն , բարօրություն և խաղաղություն:

1 2 3 4 5 6 7 8 9


ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ԳԱՐԵԳԻՆ ՆԺԴԵՀ 5

(0286) 2-23-50

agarak.syuniq@mta.gov.am

Պաշտոնական էլ. փոստ` 10022058@e-citizen.am
(միայն www.e-citizen.am համակարգով ծանուցումների համար)



© 2008 - 2016 Հեղինակային իրավունքները պաշտպանված են
ԱԳԱՐԱԿԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner